SESORAH KELULUSAN

Syukuran anggene lulus sekolah.

Assalamualaikum Wr. Wb

Ingkang minulya Bapak Kepala SMP N 1 Prambanan, ingkang kinurmatan  Bapak Ibu guru kaliyan karyawan saha Bapak Ibu wali murid , para kanca ingkang sutresna.

Saderengipun, mangga kita ngaturaken puji syukur dumatheng Allah SWT, ingkang sampun maringi kasarasan, rahmat lan hidayah dumatheng panjenengan saha kula. Kita saged ngrawuhi acara perpisahan kaliyan syukuran punika.

Jumeneng wonten ngajengipun panjenegan punika, kula makili kanca-kanca kelas IX badhe ngaturaken rasa syukur dumatheng Allah SWT amargi kula sakanca sampun LULUS saking SMP N 1 Prambanan kalian biji ingkang sae. Ugi, kula sakanca badhe ngaturaken rasa matur nuwun kula sakanca dumatheng Bapak Ibu guru ingkang sampun paring pambiyantu, pitedah, saha wewarah ing babagan ilmu keterampilan, sarta kewasisan menapa kemawon dumatheng kula sakanca kanthi eklasing manah, kita saged LULUS kalian biji ingkang sae. Samenika biji terendah 36.00 lan tertinggi 39.90 SMP N 1 Prambanan saged nglulusaken siswa siswinipun kanthi 100%. SMP N 1 Prambanan saged dados ranking 1 sa-Kota Klaten lan sa-Provinsi Jawa Tengah.

Boten kesupen kula sakanca ugi nderek ndedonga, mugi-mugi sadherek kula kelas IX saged ketampi wonten SMA utawi SMK ingkang dipun remeni. Amin.

Minangka panutupan atur, kula sakanca nyuwun pangapunten bilih kula sakanca kagungan kalepatan dumatheng Bapak Ibu guru saha karyawan, kita nyuwun pangapunten sanget.

Samenika aturan kula, minangka wonten kalepatan kula nyuwun panghapunten. Matur nuwun

Wassalamualaikum Wr. Wb.